ĖŠMĖNTĖIS KRĖSLELĒ

User Rating:

/ 0

Mes vėsė nuorēm būtė pruotingė

Ė kėtus skobām teistė.

- A rēk, – paklauso ėšmėntingā, -

Ī savė pīkti krēptė?

Vo kartās šėrdis skėlst par pōsė,

Nes nier vėinuos teisībės.

Tōn nalėngva īr sovuoktė,

Jē esi pėlns dėdībės.

Nasėgailiek diel vakār dėinuos –

Barekalings tas jausmus.

Geriau veiziek, kōr statā kuojės –

Jok nanogriūtė – jau džiaugsmos!

Mes pardaug savėm ožsėjiemė,

Namatuom kėta bieduos.

Pakėlk aukštiau sāva dvasiuo,

Žmuogau, jē esi Žmuogos!

-------

Aš vėsumet sakiau, ka pruots,

Kuoks aštros ons babūtom –

Ėšmintėis nagāl atstuotė

Nikumet ė niekōr!

2013 m.

Eirenė