ŽAL-GĖ-RIS! Y-GA-GA!
/ 0
- Informacija
- Parašė Birutė Lengvenienė
- Skaitytojų: 2813
I skyrius Laistuom taaurė
Bova vėskuo lėgė suotės:
Ė alaus, ė pri alaus,
Dvė gitaras, trys trūbuočee,
Maniem, kėts ė gala gaus!
Švėntiem kap grafaa – pri žvaakiu,
Nagriniedami, kas kon,
Pakol Petris nepasakė
Ož krepšini nasergonts!
II skyrius Uns pasakė
„Šėt Sabonis – saava skūra,
Ėlgas kuojės ė kablios
Pardavuo kažkor ož jūras,
Kap tuos mergas – ož žalius!
Matiem? Ėš kuomandas gaala
Edniou kažkatras tėk timpt:
„Go, lietuvi! Tau medalis!
Understtand? Tai plyz tū bring!“
Ontras viel! Untuonis Būvis!
Da vėins nopėrkts juokdarys!
Nušpakliūtom – būt lietovis,
Vo daba – nie du, nie trys.
Poosė svieta sosėvaarėn
Puo Europa: „Y-GA-GA!“
Mon, žemaočiou, bluoga daruos!
Aš nasėrgsu ta lėga!“
III skyrius. Teismas
Nu tada vėėsė sokėluom!
Sooski Peetri ont žuolės!
Petriou ėltėnis noskėla!
Ė geraa! Daba tylies!